စစ်တွေအကျဉ်းထောင်တွင် လူ့အခွင့်ရေးချိုးဖောက်မှုများ မတွေ့ရဟု ကော်မရှင်ပြောကြား

By Admin | Posted on February 6, 2017 | Also posted in News, North Rakhine, Video | | Tagged , |

761 Views

 

စစ်တွေ၊ ဖေဖေါ်ဝါရီ ၆ ရက်။ စစ်တွေမြို့နယ်အကျဉ်းထောင်အတွင်းမှာ လူ့အခွင့်ရေးချိုးဖောက်မှုများ မတွေ့ရကြောင်း မြန်မာနိုင်ငံ လူ့အခွင့်ရေးကော်မရှင် အဖွဲ့ဝင် ဦးယုလွင်အောင်က ပြောကြားလိုက်သည်။

“ သာမန်ပါပဲ၊ လူအခွင့်ရေးချိုးဖောက်တာတို့ တွေ့ခဲ့ဖူးတဲ့ အကျဉ်းထောင်တွေရှိပါတယ်၊ အဲလို ထောင်တွေနဲ့စာရင် ဒီမှာက လူအခွင့်ရေး ချိုးဖောက်မှုတွေ မရှိပါဘူး။”

မြန်မာနိုင်ငံလူ့အခွင့်အရေးကော်မရှင်အဖွဲ့သည် ရခိုင်ပြည်နယ်ရှိ အကျဉ်းထောင်များနှင့် ရဲစခန်းများအပါအဝင် အချူပ်သား ဆေးကုသခန်းများကို လာရောက် စစ်ဆေးရန် ဖေဖေါ်ဝါရီလ ၅ ရက်နေ့ညနေတွင် စစ်တွေမြို့ကို ရောက်ရှိလာခဲ့သည်။

ယနေ့ ဖေဖေါ်ဝါရီ ၆ ရက်နေ့ နံနက်တွင် စစ်တွေမြို့ရှိ အကျဉ်းထောင်နှင့် အချူပ်သားများ၏ ဆေးကုသစခန်းများကို လာရောက် စစ်ဆေးခဲ့ပြီးနောက် ယင်းသို့ ပြောကြားခဲ့ခြင်းလည်း ဖြစ်သည်။

 

ယခုသတင်းကို RiA နှင့် မဇ္ဈိမ သတင်းမီဒီယာတို့မှ ပူးပေါင်းစီစဉ် တင်ဆက်သည်။

Related Post

Comments

comments

Root Agency