သယံဇာတခွဲဝေခွင့်အတွက် ၈၈ ရခိုင်မျိုးဆက်အဖွဲ့က ဆက်လက်တောင်းဆိုမည်

By မင်းမျိုးနွယ် | Posted on February 6, 2017 | Also posted in News, Video | | Tagged , |

484 Views

စစ်တွေ၊ ဖေဖေါ်ဝါရီ ၆ ရက်။ ရခိုင့်သယံဇာတအား ရခိုင်တိုင်းရင်းသားများ ခွဲဝေခံစားခွင့်အတွက် လှုပ်ရှားတောင်းဆိုမှုများကို ဆက်လက်ပြုလုပ်သွားမည်ဖြစ်ကြောင်း ၈၈ ရခိုင်မျိုးဆက်များလူမှုဖွံ့ဖြိုးရေးအဖွဲ့မှ ပြောကြားလိုက်သည်။
ယင်းပြောကြားမှုကို ယမန်နေ့ ဖေဖေါ်ဝါရီ ၅ ရက်နေ့ကစစ်တွေမြို့တွင် ပြုလုပ်ခဲ့သည့် ၈၈ ရခိုင်အဖွဲ့၏ သတင်းစာရှင်းလင်းပွဲတွင် ထည့်သွင်းပြောကြားခဲ့ခြင်းလည်း ဖြစ်သည်။
“ ရခိုင်ပြည်နယ်ကထွက်တဲ့ သယံဇာတတွေကို ကျွန်တော်တို့ရခိုင်လူထုဟာ ခံစားခွင့်လုံးဝမရရှိဘူး။ ခံစားခွင့်ရ ရှိဖို့အတွက် ဘယ်သူတွေနဲ့ ဆွေးနွေးရမလဲ၊ အစိုးရနဲ့ဆွေးနွေးရမှာလား။ ကျွန်တော်တို့ ရခိုင်ပြည်သူတရပ်လုံး အကျိုးခံစားခွင့် ရရှိလာအောင် ဆက်လက်ပြီးတော့ တောင်းဆိုသွားမှာဖြစ်ပါတယ်။” ဟု ၈၈ ရခိုင်မျိုးဆက်အဖွဲ့ နာယက အဖွဲ့ဝင် ဦးသန်းနိုင်က ပြောသည်။
၈၈ ရခိုင်မျိုးဆက်အဖွဲ့သည် ပြည်နယ်အတွင်း အရပ်ဖက်လူမှုအဖွဲ့အစည်းများနှင့် ပူးပေါင်းလျက် သယံဇာခွဲဝေသုံးစွဲခွင့် ရရှိရေး အပါအဝင် မြေယာခွဲဝေမှု ကိစ္စရပ်များကို ပါဝင်လှုပ်ရှားနေသော အဖွဲ့အစည်းတစ်ခု ဖြစ်သည်။
ရခိုင့်သယံဇာတခွဲဝေခွင့် အကျိုးအမြတ်အတွက် ၂၀၁၆ ခုနှစ် စက်တင်ဘာလတွင် ရန်ကုန်မြို့၌ သတင်းစာရှင်းလင်းပွဲတစ်ရပ်ကို ရခိုင်အရပ်ဖက် အဖွဲ့များက ပြုလုပ်ခဲ့ပြီး စစ်တွေမြို့နယ်မှ ကျောက်ဖြူမြို့နယ်ထိ လမ်းလျှောက်ချီတက် တောင်းဆိုမှု တစ်ရပ်ကိုလည်း ပြုလုပ်ခဲ့ကြသေးသည်။

mm
မင်းမျိုးနွယ်သည် ၂၀၀၈ ခုနှစ်မှ စတင်ကာ 7 Day News သတင်းဂျာနယ်၊ Flower News တို့တွင် အလွတ်တန်း သတင်းထောက်အဖြစ် လုပ်ခဲ့ပြီး Favourite သတင်းဂျာနယ်နှင့် ထိုင်းနိုင်ငံအခြေစိုက် Arakan Review အင်လိုင်း သတင်းဌာန၌ လက်ထောက် အယ်ဒီတာအဖြစ် လုပ်ကိုင်ခဲ့သည်။

၂၀၁၃ ခုနှစ်တွင် အာရှအလင်းဂျာနယ်၊ Street Views သတင်းဂျာနယ်တို့တွင် သတင်းထောက်အဖြစ် လုပ်ကိုင်ခဲ့ပြီး သဘာဝသယံဇာတ၊ ရေအရင်းအမြစ်၊ သစ်တောနှင့် နယ်စပ်စီးပွားရေးသတင်းများကို ရေးသားခဲ့သည်။

Related Post

Comments

comments

Root Agency