ရခိုင်ပါတီသစ် ယာယီ ခေါင်းဆောင်များခန့်အပ်

By Admin | Posted on March 29, 2017 | Also posted in News, Politics | | Tagged , , |

388 Views

ALD

 

စစ်တွေ၊ မတ်လ ၂၉ ရက်။ ၂၀၂၀ အထွေထွေ ရွေးကောက်ပွဲကြီးကို တစ်နိုင်ငံလုံး အတိုင်းအတာဖြင့် ဝင်ရောက်ယှဉ်ပြိုင်မည် ဖြစ်သော ရခိုင်ပါတီသစ်၏ ယာယီ ခေါင်းဆောင်များ အဖြစ် ဦးကျော်မြင့်နှင့် ဦးအောင်စိုးတို့အား တာဝန်ပေးလိုက်ကြောင်း ပါတီ၏ ပြောခွင့်ရပုဂ္ဂိုလ် ဦးမျိုးကျော်က ပြောသည်။

“ ပါတီ မှတ်ပုံတင်က တင်ထားပြီးပြီ။ ပါတီရဲ့ လုပ်ငန်းစဉ်တွေ ဆောင်ရွက်ဖို့ ပ-ခေါင်းဆောင်၊ ဒု-ခေါင်းဆောင်တွေ အဖြစ် ယာယီခန့်အပ်ထားပါတယ်။ မှတ်ပုံတင်ကျပြီးမှ ညီလာခံခေါ်ပြီး ဥက္ကဌ၊ အတွင်းရေးမှူး အဖွဲ့တွေကို ရွေးချယ်မှာပါ။”

တရားဝင် ပါတီအဖြစ် ဆောင်ရွက်နိုင်ရေး ဖေဖေါ်ဝါရီ ၂၇ ရက်နေ့က ပြည်ထောင်စု ရွေးကောက်ပွဲ ကော်မရှင်တွင် မှတ်ပုံတင် လျှောက်ထားပြီး ဖြစ်ကာ မတ်လ ၂၇-၂၈ ရက်နေ့က ရခိုင်ပြည်နယ်၊ ပေါက်တော မြို့နယ်တွင် မြို့နယ်ပေါင်းစုံ ကိုယ်စားလှယ်များပါဝင်သော အစည်းအဝေးတစ်ရပ်ကို ကျင်းပခဲ့ကြသည်။

အစည်းအဝေးကို ပါတီသစ်၏ မြို့နယ်ပေါင်းစုံ ကိုယ်စားလှယ် ၁၀၀ ခန့် တက်ရောက်ခဲ့ကြသလို၊ စိတ်ဝင်စားသူ ၁၀၀ ခန့် စုစုပေါင်း ၂၀၀ ခန့် လာရောက်ခဲ့ကြပြီး ပါတီ၏ ယာယီခေါင်းဆောင်များနှင့် ရှေ့လုပ်ငန်းစဉ်များအတွက် အဖွဲ့ဝင် ငါးဦး ပါဝင်သည့် ကော်မတီ တစ်ခုကို ဖွဲ့စည်းခဲ့ကြသည်။

ပါတီသစ်ကို တည်ထောင်သူများမှာ ပူးပေါင်းပါတီ ရခိုင်အမျိုးသားပါတီဝင် ဟောင်းများ ဖြစ်သလို ၊ ဖျက်သိမ်း ထားသည့် ရခိုင်ဒီမိုကရေစီအဖွဲ့ချူပ်၏ ခေါင်းဆောင်းဟောင်းများလည်း ဖြစ်ပြီး၊ ပါတီသစ်၏အမည်အား ရခိုင်ဒီမိုကရေစီအဖွဲ့ချူပ် (ALD) အမည်ဖြင့် ပြန်လည် မှတ်ပုံတင်နိုင်ရန် ကြိုးပမ်းနေကြခြင်း ဖြစ်သည်။

Related Post

Comments

comments

Root Agency