သင်္ကြန်ကာလ ခိုက်ရန်ဖြစ်ပွားကာ ရိုက်နှက်ခဲ့သည့် တပ်မတော်သား ၂ ဦးနှင့် မိသားစုဝင်များအား ပုဒ်မ ၄ ခုဖြင့်အမှုဖွင့်

By Admin | Posted on April 20, 2017 | Also posted in News, North Rakhine | | Tagged , , , , , , |

742 Views

police station

သင်္ကြန်ကာလ ရေကစားထွက်စဉ် ခိုက်ရန်ဖြစ်ပွားကာ ဝိုင်းဝန်းရိုက်နှက်ခဲ့သည့် တပ်မတော်သား ၂ ဦးနှင့် မိသားစုဝင်များအား မြောက်ဦးမြို့မရဲစခန်းမှ ပုဒ်မ ၄ ခုဖြင့် ဧပြီလ ၁၈ ရက်နေ့က အမှုဖွင့် လှစ်ကာ စစ်ဆေးဆောင်ရွက်မှုများပြုလုပ်လျှက်ရှိကြောင်း သိရသည်

အဆိုပါ ခိုက်ရန်ဖြစ်ပွားမှုမှာ ဧပြီလ ၁၄ ရက်နေ့က မြောက်ဦးမြို့နယ်၊ ပေါင်းတုတ်ကူးတို့ဆိပ် ကျေးရွာမှ လူငယ်များနှင့် ရိုက်နှက်ရာတွင် ပါဝင်သူ တပ်မတော်သားနှစ်ဦးမှာ နန်းကျကျေးရွာ ရေကစားမဏ္ဍပ်၌ စကားများခဲ့သည်ကို မကျေနပ်သည့်အတွက် ဧပြီလ ၁၅ ရက်နေ့၌ ပေါင်းတုတ်ကူးဆိပ် လူငယ်များအဖွဲ့မှ မြောက်ဦးမြို့မှ ရေကစားပြီးအပြန်တွင် မြောက်ဦးအခြေစိုက် ခမရ ၅၄၀ တပ်ရင်း အကျော်တွင် ရေပတ်ခံကားအား တားဆီးပြီး ရိုက်နှက်ခဲ့ကြခြင်းဖြစ်ကြောင်း သိရသည်။

“ရိုက်တာက တပ်သားအဆင့်တစ်ယောက်ရယ်၊ တပ်ကြပ်ကြီးတစ်ယောက်ရယ်၊ ကျန်တာကတော့ တပ်ဖွဲ့ဝင်တွေရဲ့သားသမီးတွေက ၄ ယောက်ပေါ့၊ အဲဒီအဖွဲ့က သူတို့ကားမှာပါတဲ့အဖွဲ့တွေကို ရိုက်နှက် မှုဖြစ်တာပေါ့၊ ဒဏ်ရာရကတော့ ၃ ယောက်ရတယ်၊ တစ်ယောက် ကတော့ ဆေးရုံကဆင်းသွားပါပြီ”ဟု မြောက်ဦး မြို့မရဲစခန်းမှ ဒုရဲမှူး သန်းဖေကပြောသည်။

ဖြစ်စဉ်နှင့်ပတ်သက်၍ ရိုက်နှက်ခံရသူများဖက်မှ တရားပြုတိုင်ကြားလာသည့်အတွက် ဥပဒေအရ အမှု ဖွင့်လှစ်ဆောင်ရွက်ခဲ့ခြင်းဖြစ်ပြီး မြောက်ဦးမြို့နယ်ရဲစခန်းမှ ပ/၄၉/၂၀၁၇ ပြစ်မှုဆိုင်ရာ ဥပဒေပုဒ်မ ၂၄၉ ၊ ၃၂၅၊ ၅၀၆၊ ၃၄၁ စသည့်ပုဒ်မ ၄ ခုဖြင့်အမှုဖွင့်လှစ်ဆောင်ရွက် လျှက်ရှိပြီး တပ်မတော်သား ၂ ဦးအား စစ်ဖက်ဆိုင်ရာနှင့် အရေးယူနိုင်ရန်အတွက် တပ်ဖက်ကိုလွှဲပြောင်းပေးနိုင်ရန် ဆောင်ရွက်လျှက် ရှိကြောင်းလည်းသိရသည်။

ဓါတ်ပုံ – မင်းမျိုးနွယ်

Related Post

Comments

comments

    Related Post

  • Latest Issue

  • Sound Cloud

Root Agency