စည်ပင်ဝန်ကြီး ဦးမင်းအောင် ရာထူးမှ ဖြုတ်ချခံရပြီးနောက် အဆင့်မြင့်ဈေး ၅ ခု စီမံကိန်း ဖျက်သိမ်းခံရ

By Admin | Posted on February 15, 2018 | Also posted in News | | Tagged , |

504 Views

Sittwe Market_RiA

နောင်နောင်/RiA

စစ်တွေ၊ ဖေဖေါ်ဝါရီ ၁၅ ရက်။ ရခိုင်ပြည်နယ်အစိုးရအဖွဲ့ စည်ပင်ဝန်ကြီး ဦးမင်းအောင် ရာထူးမှ ဖြုတ်ချခံရပြီးနောက် ၎င်း လက်ထက်က ရေးဆွဲ အကောင်အထည်ဖော်လျက်ရှိသည့် ပြည်နယ်အတွင်း အဆင့်မြင့် ဈေး ၅ ခု တည်ဆောက်မည့် စီမံကိန်းသည်လည်း ဖျက်သိမ်းခံလိုက်ရသည်။

“ ဒီကိစ္စကို လွှတ်တော်ကလဲ ကန့်ကွက်မှုတွေရှိခဲ့တယ်။ ဒါကြောင့် ဈေး ၅ ဈေးတည်ဆောက်မဲ့ ငွေတွေကို ကျနော်တို့ မြို့နယ် ၁၇ မြို့နယ်အားလုံးကို သက်ဆိုင်ရာ ဘဏ္ဍာရေးဝန်ကြီးနှင့် ညှို့နှိုင်းပြီး ဘဏ္ဍာရေး လုပ်ထုံးလုပ်နည်းနဲ့အညီ အားလုံးကို မျှမျှတတ ခွဲဝေပေးလိုက်ပါပြီ။” ဟု ရခိုင်ပြည်နယ်အစိုးရအဖွဲ့ စိုက်ပျိုးရေးဝန်ကြီး (လက်ရှိတွင် စည်ပင်သာယာရေး ဝန်ကြီးနေရာ ပူးတွဲ တာဝန်ထမ်းဆောင်နေသည့်) ဦးကျော်လွင်က RiA သို့ ပြောသည်။

အဆိုပါ ဈေး ၅ ခုကို တည်ဆောက်ရန် ၂၀၁၇-၂၀၁၈ ခုနှစ်အတွင်းက ဘတ်ဂျတ်ငွေ ၂ ဒဿမ ၅ ဘီလျံကို အသုံးပြုဖို့ ပြည်နယ်လွှတ်တော်က ဆုံးဖြတ်ခဲ့ပြီး တင်ဒါခေါ်ယူမှုများဆိုင်ရာတွင် ပွင့်လင်းမြင်သာမှု မရှိဟု ဆိုကာ ဝန်ကြီး (ဟောင်း) ဦးမင်းအောင်သည် ပြစ်တင်ခံခဲ့ရပြီး စုံစမ်းစစ်ဆေးရေးကော်မတီ ဖွဲ့ကာ ခေါ်ယူ စစ်ဆေးမှုကို ခံခဲ့ရသည်။

ထို့နောက် နိုင်ငံတော်မှ ပေးအပ်သော တာဝန်များကို ကျေပွန်အောင်  ထမ်းဆောင်နိုင်ခြင်းမရှိဟု ဆိုကာ ဝန်ကြီးရာထူးအား ဆက်လက်တာဝန်မထမ်းဆောင်ဖို့ ပြည်နယ်လွှတ်တော်က ဇန်နဝါရီလ ၂ ရက်နေ့တွင် ဆုံးဖြတ်ခဲ့ပြီး နိုင်ငံတော်သမ္မတရုံးမှ ဇန်နဝါရီ ၁၈ ရက်နေ့တွင် ဦးမင်းအောင်အား တာဝန်မှ ရပ်စဲကြောင်း ကြေညာခဲ့သည်။

ဈေး ၅ ခုကို စစ်တွေ၊ ကျောက်တော်၊ ရမ်းဗြဲ၊ တောင်ကုတ်နှင့် ဂွ စသည့် ပြည်နယ်၏ မြို့နယ် ၅ ခုတွင် စီစဉ်ခဲ့ခြင်း ဖြစ်သည်။

စစ်တွေမြို့မဈေး (ဓာတ်ပုံ – RiA)

Comments

comments

    Related Post

  • Latest Issue

  • Sound Cloud

Root Agency